Apošnim časam aktyvizavaŭsia były ministr zamiežnych spravaŭ, a za Łukašenkam — pasoł Biełarusi ŭ Japonii Piatro Kraŭčanka.

Pryčym zvon pra jaho dachodzić z roznych partyj. Spačatku z BSDP, potym — z BNF. U abodvuch vypadkach havorki viaducca pra toje, što Kraŭčanka choča ŭznačalić hetyja struktury.

Kiraŭnictva sacyjał‑demakrataŭ pryznaje, što Piotr Kuźmič mieŭ u rehijonach niekalkich sustrečaŭ z aktyvistami partyi. Partyja i ludzi Kraŭčanku patrebnyja dla ŭdziełu ŭ nastupnych prezidenckich vybarach.

Nam atrymałasia datelefanavacca da Piatra Kraŭčanki:

«Prabačcie, ale ja heta nijak nie kamientuju. Palitykaj ja nie zajmajusia». — «A čym zajmajeciesia, bo apošnim časam vaša imia nidzie nie fihuruje?» — «Ja nie budu adkazvać na hetaje pytańnie».

Piotr Kraŭčanka byŭ pieršym ministram zamiežnych spravaŭ paśla zdabyćcia niezaležnaści. Byŭ deputatam Viarchoŭnaha Savietu. Ad 1998 pa 2002 hady źjaŭlaŭsia pasłom Biełarusi ŭ Japonii.

Paśla pakidańnia dypłamatyčnaj pasady peŭny čas pracavaŭ ekanamičnym kansultantam u Maskvie, paśla pierajšoŭ na vykładčyckuju dziejnaść u Biełarusi. Proźvišča Kraŭčanki nazyvałasia časam i ŭ pieralikach patencyjnych kandydataŭ na prezidenckija vybary ‑2006. Tady na finišnuju pramuju palityk nie pajšoŭ.

Źmicier Pankaviec

Клас
0
Панылы сорам
0
Ха-ха
0
Ого
0
Сумна
0
Абуральна
0