Rasijskaja kampanija «Tranśniefť» dała pazyku AAT « Družba « na budaŭnictva druhoj čarhi naftapravoda BTS‑2 u abychod terytoryi Biełarusi. Suma pazyki — amal 2,7 młrd dalaraŭ.

Bałtyjskaja trubapravodnaja sistema (BTS) dazvolić pampavać u rasijskija party da 75 miljonaŭ ton nafty štohod. Budaŭnictva druhoj čarhi BTS pavinna zaviaršycca ŭ 2011 hodzie.

Naftapravod projdzie pobač ź miežami Biełarusi pa maršrucie Unieča (Branskaja vobłaść)‑ Uść‑Łuha (Leninhradskaja vobłaść) .

Nahadajem, što praz našu krainu z dapamohaju naftapravodu «Družba» štohod prapampoŭvajecca kala 70 młn. ton rasijskaj nafty, a z ulikam pastavak na Mazyrski NPZ — 80‑81 młn. Paśla ŭvodu ŭ dziejańnie BTS‑2 paŭstanie technałahičnaja mahčymaść poŭnaj naftavaj «błakady» Biełarusi z boku Rasii. Adnak ekśpierty miarkujuć, što ŭ realnaści takaja błakada niemahčymaja, bo šmatlikija spažyŭcy rasijskaj nafty ŭ Jeŭropie nie majuć alternatyŭnych krynic pastaŭki, akramia jak praź biełaruskuju vietku «Družby».

Pavodle AFN

Клас
0
Панылы сорам
0
Ха-ха
0
Ого
0
Сумна
0
Абуральна
0