U roznych mikrarajonach Minska adbyłosia kala 60 šeściaŭ pratestu. U ich uziali ŭdzieł niekalki dziasiatkaŭ tysiač čałaviek. Najbolšyja šeści, z udziełam niekalkich tysiač žycharoŭ kožnaje, adbylisia ŭ Dambroŭcy na vulicach Žynoviča — Matusieviča i na Zachadzie (vulicy Burdziejnaha — Adzincova). Masavyja šeści adbylisia taksama na Paŭdniovym Zachadzie, va Uruččy i na Partyzanskim praśpiekcie. Siłaviki lotali pa horadzie na busach i razhaniali ludziej, ale šeści ŭtvaralisia znoŭ, časam na susiednich vulicach.

Siłaviki ŭžyvali śpiecsrodki ŭ Minsku va Uruččy i ŭ Zialonym Bary Minskaha rajona.

Pavodle acenak našych karespandentaŭ, siońnia ŭ Minsku, Žodzinie, Dziaržynsku dy inšych haradach zatrymana bolš za 300 demanstrantaŭ. Dakładnyja ličby stanuć viadomyja zaŭtra. Na hety momant viadomyja 217 imion zatrymanych. Siarod ich — vybitny ekanamist, člen Kaardynacyjnaj rady Dźmitryj Kruk (Minsk), kandydat sielskahaspadarčych navuk Iraida Misko (Žodzina), vykanaŭca hałoŭnaj roli ŭ filmie «Kupała» Alena Hironak (Pabiahajeva).

Akcyi pratestu adbylisia taksama ŭ niekalkich dziasiatkach łakacyj Bresta, Hrodna, Homiela, Mahilova, Viciebska, u Žodzinie, Smalavičach, Iŭi, Dziaržynsku, Baraŭlanach, Radaškavičach, Lachavičach, inšych haradach i pasiołkach.

Na domie chakiejnaha treniera siamji Łukašenka Dźmitryja Baskava ŭ lesie kala Minskaha mora źjavilisia vializnyja nadpisy: «Nie prostim».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?