Pra heta zajaviŭ namieśnik kiraŭnika Administracyi prezidenta pa ideałohii Andrej Kuncevič, piša BiełTA.
«Nam nie ŭpieršyniu sutykacca z adkrytaj pravakatarskaj dziejnaściu pradstaŭnikoŭ šerahu apazicyjnych i zamiežnych miedyja. Ale 2020 hod dla našaha infapola vydaŭsia asabliva napružanym. U pahoni za siensacyjami asobnyja ŚMI niedakładna aśviatlali padziei ŭ našaj krainie, stanavilisia pamahatymi arhanizataraŭ niesankcyjanavanych vystupleńniaŭ, imknučysia nadać im radykalny, antydziaržaŭny charaktar», — zajaviŭ Kuncevič.
«Pry hetym pa-raniejšamu liču niedapuščalnym pakidać biez uvahi fakty, kali pad ściahami «svabody słova i demakratyi» štučna nahniatajecca napružanaść u hramadstvie, idzie metanakiravanaje nackoŭvańnie adnych biełarusaŭ na inšych», — zajaviŭ jon.
Na dumku čynoŭnika, «manitorynh infarmacyjnaj prastory śviedčyć ab vialikaj uklučanaści hramadzian u roznyja internet-supolnaści destruktyŭnaha charaktaru».
Naprykład, bolš za 1000 telehram-kanałaŭ stvorany śpiecyjalna dla kaardynacyi pratesnaha ruchu na ŭzroŭni dvarovych i rajonnych terytoryj, a taksama bujnych pradpryjemstvaŭ. U razrezie rajonaŭ Minska ŭklučanaść varjirujecca ad 6 da 15 pracentaŭ usiaho nasielnictva administracyjna-terytaryjalnych adzinak stalicy. Štodzionna tam hienieryrujecca ad 50 da 100 tysiač paviedamleńniaŭ. Zhadziciesia, heta vialikija ličby, pakidać biez uvahi jakija my nie majem prava», — zajaviŭ Andrej Kuncevič.
