Fota: Mytny kamitet
Adna z pasažyrak avijarejsu Paryž — Minsk padčas prachodžańnia miažy abrała zialony kalidor, tym samym zajaviŭšy, što ŭ jaje niama rečaŭ i bujnych sum, jakija treba dekłaravać. Ale mytniki źviarnuli ŭvahu na tryvožnaść žančyny pry standartnym apytańni. Paśla hetaha joj prapanavali prajści pa čyrvonym kalidory, paviedamlaje DMK.
Padčas nadhladu ŭ ručnoj pakłažy i bahažy biełaruski znajšli 12 abhornutych folhaj i charčovaj plonkaj skrutkaŭ z valutaj, u asnoŭnym u kupiurach pa 50 jeŭra. Usiaho bolš za 33,5 tys. jeŭra. Heta ŭ 4 razy bolš dazvolenaj sumy, jakuju možna pieravozić biez dekłaravańnia.
Mytnia nahadvaje, što kali vy pieravozicie praź miažu bolš za 10 tysiač dalaraŭ najaŭnymi — ich treba piśmova dekłaravać. U dekłaracyi treba pakazać infarmacyju ab krynicy pachodžańnia najaŭnych i metach ich pieravozki.
Kali suma pieravyšaje $100 tys. u ekvivalencie, treba dadatkova pradstavić dakumienty dla paćvierdžańnia pachodžańnia takich hrošaj.
