BiełTA
U Biełarusi amal nie zastałosia nieanhažavanych hramadska-palityčnych miedyjaresursaŭ, zajaviŭ ministr infarmacyi Ihar Łucki padčas kruhłaha stała na temu «ŚMI ŭ palityčnym pracesie. Aktualnyja aśpiekty zakanadaŭčaha rehulavańnia», što prajšoŭ u Pałacie pradstaŭnikoŭ, piša BiełTA.
«My ŭpieršyniu ŭ historyi suvierennaj Biełarusi apynulisia ŭ stanie zaciažnoj, šyrokamaštabnaj, nie nami raźviazanaj infarmacyjnaj vajny, — skazaŭ Łucki. — Vajny vielmi raznastajnaj pa nabory ŭžyvalnych mietadaŭ i sposabaŭ jaje viadzieńnia, nacelenaj nie prosta na naniasieńnie škody dziaržavie, a na jaje źniščeńnie. Pa-druhoje, vykliki času siońnia apynulisia napieradzie dziejučaha zakanadaŭstva. Pa-treciaje, my bačym, što ź miedyjapola praktyčna źnik siektar nieanhažavanych hramadska-palityčnych miedyjaresursaŭ.
Tyja, chto jašče ŭčora vidavočna paprakaŭ dziaržaŭnyja ŚMI ŭ praŭładnaj prapahandzie, chto horda biŭ siabie kułakom u hrudzi, śćviardžajučy, što zajmajecca čystaj niezaležnaj žurnalistykaj, siońnia raptam pieratvarylisia va ŭzorna-prapahandysckija instrumienty dla razbureńnia dziaržavy. Nazaviom rečy svaimi imionami: stali niepasrednymi ŭdzielnikami infarmacyjnaj vajny, adkryta vystupiŭšy na baku ahresaraŭ».
