Ministerstva abarony Azierbajdžana ŭpieršyniu paviedamiła poŭnyja źviestki ab stratach u chodzie kanfliktu ŭ Nahornym Karabachu ź vieraśnia pa listapad 2020 hoda. Za paŭtara miesiaca bajoŭ zahinuli 2783 vajskoŭcy armii krainy, piša trend.az.
Bolš za 100 vajennasłužačych prapali bieź viestak. 1245 vajennych paranienyja i znachodziacca na lačeńni ŭ špitalach.
«Vyzvaleńnie horada Šuša, karony Karabacha, — adna z unikalnych vajennych apieracyj u historyi suśvietnaj vajny. Našy ziemli, pra jakija my maryli amal 30 hadoŭ, byli vyzvalenyja ad akupacyi koštam kryvi i žyćciaŭ našych pakutnikaŭ», — havorycca ŭ paviedamleńni azierbajdžanskaha vajennaha viedamstva.
U Azierbajdžanie vajnu nazyvajuć Ajčynnaj.
Ministerstva achovy zdaroŭja Armienii 28 listapada paviedamlała, što sumarnyja straty za čas kanfliktu skłali 2660 vajskoŭcaŭ. Ministr achovy zdaroŭja Armienii Arsien Tarasian adznačyŭ, što havorka nie idzie ab kančatkovaj ličbie, pakolki pošuk i apaznańnie zahinułych usio jašče iduć.
