Samym papularnym u śviecie mabilnym dadatkam u 2020 hodzie nazvali servis dla abmienu karotkimi videa TikTok. Pra heta paviedamiła TechCrunch.
Pryčym TikTok staŭ samym papularnym dadatkam siarod karystalnikaŭ smartfonaŭ jak na iOS, tak i na Android. App Annie prahnazuje, što ŭ 2021 hodzie kolkaść aktyŭnych karystalnikaŭ servisu pieravysić miljard.
Naprykład, tahačasny ministr infarmacyi Aleś Karlukievič navat Minski knižny kirmaš rekłamavaŭ u TikTok.
Druhoje miesca zaniaŭ dadatak sacyjalnaj sietki Facebook. U piaciorku lidaraŭ taksama ŭvajšli dva dadatki, jakija naležać Facebook: WhatsApp — trecim, a Instagram — piaty.
Dadatak dla videazvankoŭ i kanfierencyj Zoom zaniaŭ čaćviortaje miesca. Jaho papularnaść imkliva vyrasła z-za masavaha pieravodu mnohich supracoŭnikaŭ i navučencaŭ na dystancyjnaje: da pačatku pandemii Zoom zajmaŭ u rejtynhu 219-je miesca.
