Prakuror Homielskaj vobłaści Viktar Marozaŭ zajaviŭ, što BČB-ściahi i źviazanuju ź im simvoliku treba pryznać niezakonnaj i zabaranić, piša «Homielskaja praŭda».

«Bieł-čyrvona-bieły ściah — heta fašysckaja simvolika, jakuju treba pryraŭniać da zabaronienych siońnia ŭ Biełarusi svastyki i inšaj nacysckaj simvoliki i atrybutyki. Pakarańnie taksama pavinna być adpaviednym: jak minimum administracyjnaja adkaznaść», — skazaŭ prakuror.

Jon paviedamiŭ, što ŭ kastryčniku inicyjavaŭ kanfierencyju z historykami, ideołahami i hramadskimi dziejačami, dzie raspavioŭ ab daśledavanych im «paślavajennych kryminalnych spravach ab złačynstvach palicajaŭ». Jon śćviardžaje, što BČB-ściah stvorany štučna sto hadoŭ tamu.

«Toje ž samaje mahu skazać pra hierb «Pahonia», što byŭ hieraldyčnym znakam Vialikaha kniastva Litoŭskaha i staŭ paśla hierbam Litvy. Navošta nam čužy, kali jość svoj?» — kaža jon.

Клас
Панылы сорам
Ха-ха
Ого
Сумна
Абуральна