Usiebiełaruski narodny schod pavinien vypracavać stratehiju budučaha raźvićcia dziaržavy, zajaviŭ BiełTA deputat Ihar Marzaluk.

«Nam nieabchodnaja stratehija budučyni. Ja liču, što samaje važnaje, što pavinien zrabić Usiebiełaruski narodny schod, — heta vypracavać stratehiju budučyni. Toj idealny malunak Biełarusi, jakuju my chočam bačyć, i tyja kankretnyja, realnyja kanstytucyjnyja, lehitymnyja źmieny, pry dapamozie jakich my vyjdziem z toj situacyi, u jakoj apynulisia. Heta vokny mahčymaściaŭ dla lehalnaj realizacyi i samarealizacyi, evalucyjnaj cyvilizavanaj transfarmacyi našaha hramadstva», — skazaŭ Ihar Marzaluk.

Parłamientaryj adznačyŭ, što sučasnaje hramadstva adroźnivajecca ad taho, jakim jano było 26 hadoŭ tamu. «Heta dva roznyja hramadstvy pa demahrafičnym, majomasnym i sacyjalnym patencyjale, — padkreśliŭ jon. — Biełaruś — sytaja kraina, jak napisaŭ adzin z palitołahaŭ. I, jak u luboj sytaj krainie, mnohija ludzi nie razumiejuć, jak lohka možna pravalicca ŭ biezdań hramadzianskaj vajny, niestabilnaści, hoładu i choładu. Nam nie patrebnyja revalucyjnyja kataklizmy. Usiebiełaruski narodny schod pavinien pakazać, jakim čynam my sami biez čužych padkazak, biez buntaŭ, revalucyj i terarystyčnych aktaŭ źmienim krainu. My pavinny pakazać akno mahčymaściaŭ. I treba pamiatać, što Biełaruś — heta jeŭrapiejskaja kraina, i my zaŭsiody ŭ samych składanych situacyjach unutry hramadstva dasiahali kansiensusu».

Клас
0
Панылы сорам
0
Ха-ха
0
Ого
0
Сумна
0
Абуральна
0