BiełTA
Za ŭsiu historyju Usiebiełaruskaha narodnaha schodu jašče nikoli jaho praviadzieńniu nie papiaredničała takaja šyrokaja hramadskaja dyskusija pa pytańniach dalejšaha raźvićcia krainy. Pra heta BiełTA paviedamiŭ kiraŭnik rabočaj hrupy respublikanskaha arhanizacyjnaha kamiteta pa padrychtoŭcy schodu, namieśnik kiraŭnika Administracyi prezidenta Andrej Kuncevič.
«Farmat dyjałohavych placovak, hramadskich i deputackich pryjomnych daje mahčymaść pravieści svojeasablivuju invientaryzacyju najbolš aktualnych prablem, jakija stajać pierad biełaruskim hramadstvam i dziaržavaj, adčuć, što siońnia asabliva chvaluje ludziej, jakoj jany chočuć bačyć Biełaruś budučyni. Analiz prapanoŭ, što pastupajuć u rabočuju hrupu respublikanskaha arhkamiteta pa padrychtoŭcy šostaha Usiebiełaruskaha narodnaha schodu, śviedčyć ab usio bolšaj sacyjalnaj i hramadzianskaj aktyŭnaści», — adznačyŭ Andrej Kuncevič.
Pavodle jaho słoŭ, uniesienyja na siońnia prapanovy zakranajuć u pieršuju čarhu aktualnyja pytańni, nacelenyja na doŭhaterminovuju pierśpiektyvu. Naprykład, z ulikam siońniašniaj hieapalityčnaj situacyi mnohija ŭdzielniki hramadskaj dyskusii ŭkazvajuć na metazhodnaść zamacavańnia na kanstytucyjnym uzroŭni kaštoŭnaści nacyjanalnaha suvierenitetu, terytaryjalnaj cełasnaści i niezaležnaści Biełarusi, historyka-kulturnaj samaidentyfikacyi naroda, pamiaci ab Pieramozie ŭ Vialikaj Ajčynnaj vajnie, a taksama zamacavańnia infarmacyjnaj i ekałahičnaj biaśpieki.
«Davoli aktyŭna ŭnosiacca prapanovy pa pieraraźmierkavańni paŭnamoctvaŭ pamiž halinami ŭłady, karekciroŭcy vybarčaj sistemy, dalejšym raźvićci hramadskich instytutaŭ, pavyšeńni roli miascovaha kiravańnia i samakiravańnia, farmiravańni kanceptualnych asnoŭ i kaštoŭnasnych aryjentacyj biełaruskaha hramadstva. Svaju pazicyju pa dalejšym raźvićci našaj dziaržavy rabočaj hrupie daviali 11 z 15 palityčnych partyj, a taksama viadučyja hramadskija abjadnańni. Na siońniašni dzień sakumulavana bolš za 10 tys. prapanoŭ. Ich zbor pradaŭžajecca», — reziumavaŭ namieśnik kiraŭnika Administracyi prezidenta.
