Paŭłu Sieviaryncu padoŭžyli termin śledstva jašče na dva miesiacy — da 20 lutaha. Pra heta paviedamiła jaho žonka Volha. Z 7 červienia jon nachodzicca za kratami.
24 śniežnia jana atrymała list ad Paŭła Sieviarynca, u jakim jon raskazaŭ, što pra novy termin — da 20 lutaha 2021 hodu — jamu paviedamiŭ novy śledčy ŭ jahonaj spravie.
Jana taksama začytała vinšavańnie z Rastvom, jakoje dasłaŭ Sieviaryniec.
«Sioleta Hospad adkryŭ pa-nad našaj krainaj nieba. Śviatło Božaje pramienić ź Biełarusi pa ŭsim śviecie. Cudy zdarajucca štodnia», — napisaŭ Sieviaryniec pra 2020 hod, bolšuju častku jakoha pravioŭ za kratami.
Nahadajem, Sieviaryniec byŭ zatrymany 7 červienia kala svajho doma.
Sieviaryncu vystavili abvinavačvańnie pavodle častki 2 artykuła 293 Kryminalnaha kodeksa («Udzieł u masavych biesparadkach»).
Biełaruskija pravaabaroncy pryznali Sieviarynca palitviaźniem.
Napisać list Paŭłu možna pa adrasie:
SIZA-1, 220030, h. Minsk, vuł. Vaładarskaha, 2
