Absalutna nievierahodnaja historyja adbyłasia z novym čempijonam brazilskaha Supierbajka ŭ katehoryi Evo 1000cc Andre Vierysima

Na apošnim etapie siezona na aŭtadromie imia Ajrtana Sieny jon lidziravaŭ u apošnim pavarocie i źbiraŭsia stylna adznačyć tytuł — ale krychu nie raźličyŭ dystancyju.

U vyniku nabranaj na razhonie chutkaści nie chapiła, i chłopca čakaŭ nievierahodny kanfuz. Jaho abahnali dva honščyki.

«Ja ŭžo śviatkavaŭ z majoj kamandaj, kali jany pačali mianie dahaniać, — raspavioŭ paśla honki rajdar. - Bajk hnaŭ na treciaj pieradačy i jechaŭ vielmi pavolna. Niby miortvy. I jany mianie abyšli».

U vyniku Vierysima kłasifikavali trecim — i nabranych ačkoŭ chapiła dla zavajovy tytuła ŭ svajoj katehoryi. Tak što za šokam paśledavała chvala samaironii.

«Padobna da taho, što ja budu miemam», — paśmiajaŭsia Andre. — Ja durań».

A zatym rajdar navat vykłaŭ u instahramie rolik, dzie pierahladaje finiš — i ščyra śmiajecca ź siabie.

Клас
0
Панылы сорам
0
Ха-ха
0
Ого
0
Сумна
0
Абуральна
0