Ustupnaja kampanija 2021 hoda istotna nie źmienicca. Adnak praca pa źmianieńni pravił pryjomu ŭžo viadziecca. Pra heta ŭ efiry STB raspavioŭ ministr adukacyi Ihar Karpienka.
Pa słovach ministra, akramia ŭžo anansavanych źmianieńniaŭ, u tym liku i sproby sumiaścić nacyjanalny ekzamien u škole z CT choć by pa dvuch pradmietach — movie (pa vybary navučenca) i matematycy, jość i inšyja zapłanavanyja novaŭviadzieńni. Naprykład, razhladajecca mahčymaść abituryjentam zdavać pry pastupleńni ŭ VNU ŭnutranyja ekzamieny pa profilnych pradmietach. Hetaje pytańnie nieŭzabavie płanujecca abmierkavać z Łukašenkam.
— Chutčej za ŭsio, adbudziecca vialikaja narada, dzie buduć albo pryniatyja, albo nie pryniatyja hetyja padychody, albo budzie prapanavana dapracavać hetyja padychody, ale va ŭsiakim vypadku papiaredniuju pracu my ŭžo praviali, — padzialiŭsia Karpienka.
Jon taksama padkreśliŭ, što kali hetyja źmieny buduć kančatkova pryniatyja, to Minadukacyi spatrebicca kala 1,5 — 2 hadoŭ, kab ukaranić ich u adukacyjny praces z adpaviednym mietadyčnym supravadžeńniem.