Kožny čałaviek pavinien kłapacicca ab zhodzie i miry ŭ hramadstvie. Takoje mierkavańnie ŭ intervju ANT vykazaŭ mitrapalit Minski i Zasłaŭski Vienijamin, Patryjaršy ekzarch usiaje Biełarusi.
Što tyčycca źmianieńniaŭ u Kanstytucyju, Patryjaršy ekzarch usiaje Biełarusi raskazaŭ, što BPC u hetym płanie bolš chvalujuć pytańni sacyjalnaj śfiery.
«Heta tyčycca zamacavańnia ŭ Kanstytucyi paniaćcia ab šlubie z ulikam tradycyj chryścijanskich i biełaruskaha naroda, a taksama peŭnych sacyjalnych pytańniaŭ. Jany datyčacca mahčymaści vychavańnia padrastajučaha pakaleńnia na tradycyjach biełaruskaha naroda, patryjatyčnaha vychavańnia, jak lepš zrabić, kab maładyja ludzi atrymlivali nie tolki vydatnuju adukacyju, ale razam z tym byŭ i duchoŭny składnik u farmiravańni maładoha čałavieka. Pra heta pavinna pakłapacicca dziaržava, i my pa carkoŭnaj linii prapanujem, jak heta možna zrabić», — raspavioŭ jon.
Mitrapalit Vienijamin taksama paviedamiŭ, što BPC užo ŭniesła svaje prapanovy. «Kali jany buduć padtrymanyja, to znojduć adlustravańnie ŭ adpaviednym punkcie, što budzie dazvalać i navat rekamiendavać praviadzieńnie kursaŭ, jakija paspryjajuć mienavita duchoŭnamu raźvićciu asoby na tradycyjach biełaruskaha naroda», — adznačyŭ Patryjaršy ekzarch usiaje Biełarusi.
