Hienieralnaja prakuratura sioleta maje namier unieści prapanovy pa źmianieńni zakanadaŭstva ŭ častcy ŭzmacnieńnia adkaznaści za prajavy ekstremizmu. Ab hetym paviedamiŭ žurnalistam hienprakuror Andrej Švied pa vynikach dakładu Łukašenku, piša BiełTA.
Prapanovy pa źmienie zakanadaŭstva padrychtavany Hienprakuraturaj zychodziačy z daručeńniaŭ, dadzienych Łukašenkam u vieraśni 2020 hoda.
Papraŭki, pa słovach hienprakurora, buduć tyčycca nie tolki ŭzmacnieńnia adkaznaści za ekstremizm, a naohuł «usiaho błoka zakanadaŭstva, jaki tym ci inšym čynam budzie harantavać stabilnaść i hramadskuju biaśpieku ŭ našaj krainie».
U pryvatnaści, Hienprakuratura prapanuje kankretyzavać peŭnyja dziejańni i ich kvalifikacyju ŭ jakaści ekstremizmu. «Uzmacnić adkaznaść, u tym liku kryminalnuju, za prajavy ekstremizmu i ŭčynieńnie złačynstvaŭ, źviazanych z ekstremizmam, i kankretyzavać u zakanadaŭstvie kryteryi, pa jakich tyja ci inšyja dziejańni asob buduć mieć prykmiety ekstremizmu», — rastłumačyŭ Andrej Švied.
