U MNS raskazali, što vybuchnuła siońnia na Skryhanava ŭ Minsku

U Ministerstvie pa nadzvyčajnych situacyjach raskazali pra «zahadkavy vybuch» u rajonie vuł. Biruzova/Skryhanava.

Kala 06.55 na terytoryi, arandavanaj u AAT «Biełresursy» pa vuł. Skryhanava, 39, pry adkryćci dźviarej mietaličnaha kantejniera (12ch2,4 m) dla zachoŭvańnia budaŭničych materyjałaŭ adbyłasia ŭspyška hazapavietranaj sumiesi.

112.by

U vyniku byli paškodžany mietaličny kantejnier i budaŭničyja materyjały (farba, budaŭničyja sumiesi).

Z-za ŭspyški atrymaŭ traŭmy zahadčyk firmy-arandatara, 60-hadovy mužčyna. Z apiokami ruk i tvaru jon źviarnuŭsia pa miedycynskuju dapamohu na miescy zdareńnia, ale ad špitalizacyi admoviŭsia.

112.by

Taksama paškodžana šyba na bałkonie ŭ adnoj z kvater pa vuł. Biruzova, 11. Padraździaleńni MNS nie pryciahvalisia.

Pryčyna zdareńnia vyśviatlajecca, razhladanyja viersii — niehiermietyčnaść zapornoj armatury hazavaha nahravalnika i kanstruktyŭny niedachop nahravalnika.