Namieśnik hałoŭnaha redaktara «Presboła» Dźmitryj Bieleńki zvolniŭsia z vydańnia. Jon pracavaŭ u haziecie z dnia jaje zasnavańnia — amal 30 hadoŭ, piša Tut.by.
Paśla sychodu ŭ pačatku śniežnia hałoŭnaha redaktara Dźmitryja Hierčykava za podpisam Bieleńkaha vyjšli niekalki numaroŭ haziety. Paśla novym hałoŭnym redaktaram staŭ karespandent ANT Siarhiej Lisičkin.
U vyniku na praciahu niekalkich tydniaŭ «Presboł» pakinuła hrupa viadomych žurnalistaŭ: zahadčyk addzieła biełaruskaha futboła Uładzimir Piroh, zahadčyk addzieła chakieja Siarhiej Małyška, viadučy ahladalnik handboła Siarhiej Mardasievič, a taksama adzin z samych papularnych aŭtaraŭ haziety Siarhiej Ščurko, jaki pracavaŭ u haziecie pazaštatna.
