U Minsku prajšoŭ čarhovy Marš mudraści. Na hety raz piensijaniery tak zašyfravali punkt zboru, što składana było zrazumieć, dzie ž jany źbiarucca, piša Tut.by.
«Samyja mudryja źbirajucca ŭ punkcie mudraści». «Hieałakacyja: TKNK FF», — tak apisvali punkt zboru čarhovaj akcyi salidarnaści ŭ sacyjalnych sietkach, hetaksama piensijaniery zhadvali mietro.
Karystalniki sacsietak łamali hałovy, razhadvajučy rebus, a piensijaniery ŭ vyniku «znajšlisia» kala stancyi mietro «Uschod». Niekalki dziasiatkaŭ čałaviek pašychtavalisia ŭ łancuh salidarnaści ŭzdoŭž praśpiekta, ale nieŭzabavie ludzi razyšlisia.
Pieršy Marš mudraści prajšoŭ u Minsku 5 kastryčnika. Z taho času jany stali ładzicca rehularna pa paniadziełkach. Takim čynam siońnia ŭžo 14-y marš. Ale apošnim časam akcyi piensijanieraŭ stali spyniać siłaviki.
