BiełTA
Staršynia Prezidyuma Nacyjanalnaj akademii navuk Biełarusi Uładzimir Husakoŭ vystupiŭ na aparatnaj naradzie pa vynikach 2020 hoda. Značnaja častka jaho dakłada była pryśviečana pytańniu supracoŭnictva navukoŭcaŭ i ŭłady. Dev.by źmiaščaje asobnyja tezisy.
«Treba vielmi ciesna pracavać z usimi orhanami dziaržkiravańnia, z uładaj na aŭtarytet krainy. Ni ŭ jakim vypadku nie dapuskać nijakich niesankcyjanavanych dziejańniaŭ i prajaŭ.
Ja asabliva ŭdziačny šmatlikim kiraŭnikam našych akademičnych arhanizacyj za ich pravilnuju hramadzianskuju pazicyju, za niedapuščeńnie supraćstajańnia navukoŭcaŭ i ŭłady.
Rola navuki — być razam z uładaj.
Toje, što my nie dapuścili raschistvańnia Akademii navuk, jaje razvału, utrymali navukoŭcaŭ, u hetym vialikaja zasłuha ŭsiaho kirujučaha składu Akademii. My zachavali Akademiju i jaje kadravy patencyjał i hatovyja i dalej pracavać z kiraŭnictvam krainy i na ekanomiku krainy.
Taksama kiraŭnik NAN padzialiŭsia płanami na budučyniu.
Siarod pryjarytetaŭ:
— biełaruski ajčynny elektramabil (vytvorčaść daŭno naśpieła i nielha marudzić);
— svoj akademičny mini-park vysokich technałohij, dzie ŭsio prahramnaje zabieśpiačeńnie stvarałasia b siłami akademičnych navukoŭcaŭ;
— ajčynnyja raspracoŭki ŭ halinie štučnaha intelektu i na ich bazie zakončanyja sistemy pa cyfravizacyi, robatatechnicy, stvareńni «razumnych» vytvorčaściaŭ, haradoŭ, niejronavych sietak i kamunikacyj (heta značyć mieć svaju «razumnuju» miedycynu, «razumnuju» sielskuju haspadarku, «razumnuju» śfieru servisu, «razumnuju» sistemu adukacyi i navat «razumnuju» navuku).
