U Harodni raspačali jašče adnu kryminalnuju spravu. Jana skiravana suprać haradzienki Taćciany Kaško, sprava pavodle artykuła 369 KK — źniavaha pradstaŭnika ŭłady, paviedamlajuć pravaabaroncy.
Taćciana Kaško pierad Novym hodam, 30 śniežnia, pajšła ŭ addzieł vyrabu pašpartoŭ Leninskaha RAUS zabrać svoj novy pašpart. Ale pašpart joj nie addali, a supracoŭniki ŭstanovy vyklikali milicyju, jakaja znachodzicca faktyčna ŭ tym ža budynku pa vulicy Dubko. Milicyjaniery praviali pieratrus pa miescy žycharstva Taćciany Kaško, zabrali kampjutar i mabilny telefon. Zatrymańnie aformili 31 śniežnia. U vyniku Taćcianu zatrymali, jaje pratrymali 72 hadziny, tak što Novy hod žančyna sustreła ŭ izalatary. Paśla troch sutak źniavoleńnia, 3 studzienia, Kaško adpuścili. Zaraz jana zastajecca ŭ statusie padazravanaj.
Taćcianu Kaško vinavaciać u tym, što ŭ adnym z telehram-kanałaŭ jana svaim dopisam abraziła adnaho ź milicyjanieraŭ. Kaško admoviłasia ad pasłuh dziaržaŭnaha advakata i admoviłasia davać pakazańni pa spravie, zychodziačy z artykuła 27 Kanstytucyi.
Pavodle artykuła 369 Taćcianie Kaško pahražajuć hramadskija pracy, albo štraf, albo papraŭčyja pracy terminam da dvuch hadoŭ, albo aryšt, albo abmiežavańnie voli na termin da troch hadoŭ.
