Pašyreńnie štamu karanavirusa, što vyłučajecca vysokaj zaraznaściu i byŭ vyjaŭleny pieršapačatkova ŭ Vialikabrytanii, zafiksavana ŭžo ŭ 41 krainie i terytoryi. Pra heta paviedamiła Suśvietnaja Arhanizacyja Achovy zdaroŭja (SAAZ).

Zhodna ź biuleteniem SAAZ, za minuły tydzień — ad 28 śniežnia da 3 studzienia — kolkaść infikavanych COVID-19 vyrasła ŭ śviecie na 4 035 226, a pamierłych — na 76 017. Bolš za ŭsio novych vypadkaŭ infikavańnia vyjaŭlena ŭ Paŭnočnaj i Paŭdniovaj Amierycy — 1 935 621. Na druhim miescy — rehijon Jeŭropy (1 553 332), na trecim — Paŭdniova-Uschodniaja Azija (208 592).

Pa śmiarotnaści lidziruje Jeŭropa, dzie za siem dzion pamierli 32 898 pacyjentaŭ. Na druhim miescy — Paŭnočnaja i Paŭdniovaja Amieryka (32 283), na trecim — Paŭdniova-Uschodniaja Azija (3 756).

ZŠA zajmajuć pieršy radok u śviecie pa kolkaści novych vypadkaŭ zaražeńnia za tydzień — 1 325 424. Dalej u śpisie — Vialikabrytanija (343 784), Brazilija (252 018), Rasija (186 539), Indyja (136 115), Hiermanija (124 808), Italija (102 442), Turcyja (98 662), PAR (93 978) i Francyja (91 595).

Bolš za ŭsio pamierłych za siem dzion zarehistravana ŭ ZŠA (17 239). Za imi iduć Brazilija (4923), Mieksika (4670), Hiermanija (4494), Vialikabrytanija (4165), Rasija (3728), Italija (3365), PAR (2654), Francyja (2346) i Polšča (2001).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?