Prezident ZŠA Donald Tramp u pryvatnych hutarkach pryznaje svaju parazu na minułych 3 listapada vybarach, adnak nie robić hetaha publična, kab tym samym pryciahnuć da siabie bolš uvahi. Pra heta paviedamiła ŭ aŭtorak hazieta Politico sa spasyłkaj na svaje krynicy, piša TASS.

Pavodle ich źviestak, amierykanski lidar taksama razumieje, što ŭ sieradu Sienat i Pałata pradstaŭnikoŭ Kanhresa ZŠA na sumiesnym pasiadžeńni zaćvierdziać pieramohu abranaha prezidenta Džozefa Bajdena. Pa słovach krynicy vydańnia, kiraŭnik Biełaha doma navat pryznaŭsia, što jon «prosta rasčaravany» parazaj na prezidenckich vybarach. Kiraŭnik dziaržavy, adznačaje hazieta, źmiryŭsia sa svajoj parazaj litaralna ŭ apošnija tydni. Niahledziačy na toje, što Tramp pryznaje ŭ pryvatnych hutarkach svaju parazu, adznačajuć krynicy Politico, jon usio ž śćviardžaje, što vyjhraŭ by sumlennyja vybary.

Amierykanski lidar taksama abmiarkoŭvaŭ z pamočnikami płany pakinuć Vašynhton i adpravicca ŭ svoj majontak Mar-a-Łaha ŭ štacie Fłaryda.

Tramp praciahvaje zajaŭlać pra falsifikacyi na vybarach tolki dla pryciahnieńnia da siabie bolšaj uvahi, tłumačyć vydańnie. «Sens [hetych dziejańniaŭ] u tym, kab pradstaŭlać cikavaść i praciahvać abmierkavańni ŭ navinach», — rastłumačyła krynica haziety.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?