Kali b Biełaruś mieła druhuju AES, to krainie było b dastatkova kuplać u Rasii blizu 10 młrd kuboŭ hazu, zajaviŭ Alaksandr Łukašenka padčas naviedvańnia chołdynhu «Haryzont» u Minsku 5 studzienia, piša «Interfaks».

«Kali b my mieli druhuju AES na ŭschodzie, to nam 10 młrd kuboŭ hazu chapiła b. Heta ŭžo vialikaja niezaležnaść ad manapalista», — padkreśliŭ Łukašenka. Frahmient jaho vystupleńnia pakazali ŭ efiry telekanała STB u aŭtorak.

Jon nahadaŭ, što ŭvod BiełAES — «heta 5 młrd kuboŭ hazu z 20 młrd, jakija my kuplajem, nie treba ŭžo kuplać».

«Heta ŭžo vialikaja niezaležnaść. Bo paliva na 5 hadoŭ zahružajecca i košt jaho pry ciapierašnich cenach da $150 młn. A kolki za haz treba było b zapłacić?» — skazaŭ Łukašenka.

Jak paviedamlałasia, u 2019 hodzie Biełaruś impartavała 20,261 młrd kub. m rasijskaha hazu, za 10 miesiacaŭ 2020 hoda adbor źniziŭsia na 9% — da 14,871 młrd kub. m.

Клас
Панылы сорам
Ха-ха
Ого
Сумна
Абуральна