16 vieraśnia ŭ pab pryjšli pieršyja pravierki. 11 studzienia «Torvald» byŭ vymušany zakrycca.
«Raptoŭna ŭ pamiaškańniach, jakija my zajmajem i jakija isnujuć užo bolš za 150 hadoŭ, vyjavilisia nadzvyčaj surjoznyja niedachopy: prystupki zanadta vysokija, a kalidory — niejmavierna vuzkija. Hetyja niedaskanałaści razam z admysłovymi słužbami, što vielmi kłapociacca ab našaj z vami biacpiecy, vymušajuć nas prypynić svaju dziejnaść», — paviedamiŭ «Torvald».
Pierad zakryćciom haspadary art-paba zaklikali «razabrać «Torvald» na suvieniry» — kupić što zaŭhodna z načyńnia, azdableńnia i interjeru pamiaškańnia.
«Torvald» adkryŭsia na histaryčnaj vulicy Viciebska ŭ 2016 hodzie i chutka staŭ niefarmalnym centram biełaruskaha kulturnaha žyćcia ŭ horadzie. Tut hatavali nacyjanalnyja stravy i napoi, haściej absłuhoŭvali pa-biełarusku. Pravodzili kancerty i tvorčyja sustrečy, fest vyšyvanki i kursy «Mova nanova».
U marazy 2017 hoda naviednikaŭ častavali biaspłatnaj harbataj.
Viasnoj 2020-ha hatavali i advozili miedykam haračyja abiedy.
Usiaho pa krainie palityčna matyvavanyja represii zaznali bolš za 320 biznesaŭ.
