Maksimu Znaku nie było vystaŭlena abvinavačvańniaŭ pa dźviuch novych kryminalnych spravach suprać Kaardynacyjnaj rady. Pra heta Tut.by paviedamiŭ jaho advakat Dźmitryj Łajeŭski.

Maksim Znak. Fota Nadziei Bužan

Maksim Znak. Fota Nadziei Bužan

Nahadajem, Hienprakuratura zaviała dźvie novyja kryminalnyja spravy ŭ dačynieńni da členaŭ Kaardynacyjnaj rady pa faktach stvareńnia ekstremisckaha farmiravańnia i kiraŭnictva im, finansavańnia jaho dziejnaści i zmovy z metaj zachopu dziaržaŭnaj ułady niekanstytucyjnym šlacham.

Členu Prezidyuma Kaardynacyjnaj rady Maksimu Znaku abvinavačvańniaŭ pa novych spravach vystaŭlena nie było.

— Chaču padkreślić, što heta — zaviadzieńnie spraŭ, h. zn. padazreńni, a abvinavačvańniaŭ takich Znaku nie vystaŭlałasia. Vyłučeńnie hetych padazreńniaŭ abarona ličyć biespadstaŭnym, pakolki absalutna vidavočna, što nijakaha ekstremizmu ŭ vykazvańniach i dziejańniach Znaka nie było. Pastanovy ab zaviadzieńni dźviuch novych spraŭ abarona abskardzić, — raspavioŭ Dźmitryj Łajeŭski.

Pa pieršaj kryminalnaj spravie, pa jakoj Maksim Znak abvinavačvajecca ŭ zaklikach da dziejańniaŭ suprać nacbiaśpieki (častka 3 artykuła 361 KK), abarona siońnia nakiravała ŭ Hienprakuraturu skarhu na ŭsie papiarednija admovy ŭ spynieńni kryminalnaha pieraśledu.

— My arhumientavali adsutnaść składu złačynstva, naša pazicyja nie abvierhnuta, i my nastojvajem, što pieraśled advakata Znaka za vykazvańnie pravavoj dumki, jakaja nie ŭtrymlivaje nijakich supraćpraŭnych zaklikaŭ, pavinien być spynieny. Pra heta ž havorycca ŭ šerahu zvarotaŭ najbujniejšych mižnarodnych advakackich asacyjacyj, jakija pastupili ŭ adras uładaŭ Biełarusi. Sam Maksim u normie, choć va ŭmovach SIZA heta i nie lohka, ale nastroj u jaho dobry, pracoŭny, šmat čytaje. Praciahvajem zmahacca, — kaža Łajeŭski.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?