Sud Leninskaha rajona Bresta 6 studzienia asudziŭ pa kryminalnaj spravie pa art. 370 Kryminalnaha kodeksa 17-ci hadovaha kobrynca Arcioma Zielankova. Sudździa Dźmitryj Šuryn daŭ chłopcu 6 miesiacaŭ «chatniaj chimii» za sprobu spalić 27 vieraśnia dziaržaŭny ściah u Breście kala fantana na centralnaj vulicy horada, piša «Bresckaja viasna».

Pavodle abvinavačvańnia, 27 vieraśnia kala fantana na vuł. Savieckaj u Breście Zielankoŭ spačatku sprabavaŭ padpalić dziaržaŭny ściah, a kali heta nie atrymałasia, to jon pačaŭ dzierci jaho na kavałki. Arciom vinu pryznaŭ całkam.

5 listapada sud adpraviŭ abvinavačanaha na sudova-psichijatryčnuju ekśpiertyzu. Praz dva miesiacy, kali ekśpiertyza padćvierdziła, što padletak znachodziŭsia ŭ śviadomym stanie na momant ździajśnieńnia svaich dziejańniaŭ, sud pakaraŭ jaho pa art. 370 KK (Ździek nad dziaržaŭnymi simvałami) 6 miesiacami abmiežavańnia voli biez nakiravańnia ŭ papraŭčuju ŭstanovu.

Клас
Панылы сорам
Ха-ха
Ого
Сумна
Абуральна