Budynak Słuckaha RAUS

Budynak Słuckaha RAUS

Sud Słuckaha rajona vynies prysud pa kryminalnaj spravie pa č. 1 art. 339 KK (Chulihanstva) u dačynieńni da 34-hadovaha słučaka. Sudździa Alaksandr Šutko pakaraŭ jaho hodam «chimii», paviedamlaje spring96.org.

Mužčynu abvinavacili ŭ tym, što jon viečaram 4 žniŭnia paśla admienienaha ŭładami mitynhu Śviatłany Cichanoŭskaj rassypaŭ «vožyki» na terytoryi kala budynka RAUS.

U vyniku byli paškodžanyja šyny aŭtamabilaŭ dvuch supracoŭnikaŭ milicyi, na miescy kanfiskavali 38 budaŭničych šrubaŭ, a dziejańni žychara Słucka kvalifikavali jak chulihanstva.

U sudzie paciarpiełyja zajavili, što nie majuć pretenzij. Prakuror prasiŭ sud pakarać słučaka paŭtara hadami «chatniaj chimii», ale sudździa pryznačyŭ bolš žorstkaje pakarańnie.

Pierad dačaj pakazańniaŭ u sudzie 5 studzienia abvinavačany paprasiŭ jaho «mocna materyjalna nie karać, bo ŭ žonki ankałohija» i paprasiŭ dałučyć vypisku ź miedycynskaj karty žonki da spravy. Sud hetaje chadajnictva zadavoliŭ. Hramadzianin A. svaju vinu pryznaŭ całkam.

Žychar Słucka patłumačyŭ, navošta jon ździejśniŭ svaje dziejańni:

«4 žniŭnia jechaŭ z pracy i ŭbačyŭ, što ŭ horadzie stajać aŭtazaki, zatym pajechaŭ dadomu. Paśla hetaha vypiŭ, vyklikaŭ taksi i vyrašyŭ pahladzieć, što adbyvajecca ŭ horadzie. Ubačyŭ, jak AMAP hvałtoŭna zabiraje ludziej u aŭtazaki. Paśla pajechaŭ u budaŭničuju kramu, kupiŭ šruby i, siedziačy na zadnim siadzieńni taksi, rassypaŭ ich pa vulicy Ułasaŭca ad budynka RAUS da prakuratury».

Abvinavačany adznačyŭ, što «kali b jon byŭ ćviarozy, to takoha b nie było».

Taksama ŭ sudzie prysutničali dvoje paciarpiełych — supracoŭniki milicyi, koły mašyn jakich apynulisia prakałoty. Hramadzianskija pazovy jany zajaŭlać admovilisia i pretenzij da hramadzianina A. nie majuć, bo abvinavačanym byli pryniesienyja prabačeńni i kampiensavanaja suma, jakuju paciarpiełyja vydatkavali na pasłuhi STA.

Клас
Панылы сорам
Ха-ха
Ого
Сумна
Абуральна