Alaksandr Łukašenka ličyć prezidenta Rasii Uładzimira Pucina svaim siabram. Pra heta jon skazaŭ u intervju rasijskaj žurnalistcy Naile Askier-zade, frahmient videa apublikavany ŭ jaje telehram-kanale.
«Tak, ja jaho liču svaim siabram. Chočaš, zaraz nabiaru», — zajaviŭ Łukašenka.
U inšym frahmiencie Łukašenka skazaŭ pra svaje adnosiny z prezidentam Ukrainy Uładzimiram Zialenskim. «Ja zła nie trymaju na Vałodziu Zialenskaha. Ale z kalena b ja ź im nie vitaŭsia», — skazaŭ jon.
Taksama ŭ videa pakazany i Mikałaj Łukašenka, jaki siadzić razam z Naile i Alaksandram Łukašenkam za adnym stałom.
«Vy kazali kali-niebudź baćku: tata, ty nie maješ racyi?» — pytajecca žurnalistka. «Naturalna», — adkazvaje Kola.
Całkam intervju jašče nie apublikavana. Vypusk prahramy «Dziejučyja asoby» z udziełam Łukašenki vyjdzie ŭ efir na kanale «Rasija 1» 10 studzienia (niadziela).
