Fota Michaiła Džaparydze, TASS
Niavierje ŭ pandemiju karanavirusa hetak ža śmiarotna niebiaśpiečna, jak i niavierje ŭ Boha, ličyć patryjarch Maskoŭski Kirył. Pra heta, jak paviedamlaje TASS, jon zajaviŭ u propaviedzi 6 studzienia paśla liturhii ŭ chramie Chrysta Zbaŭcy ŭ Maskvie.
— Viedaju, što jość ludzi, jakija ni ŭ što nie vierać — nie vierać ni ŭ chvarobu, ni ŭ niebiaśpieku, hrebujuć hetymi miedycynskimi pradpisańniami. Ale my, vierujučyja ludzi, viedajem, što nie tolki hetyja ludzi nierazumnyja — a tak ich možna nazvać — u śviecie isnujuć, bo isnuje mnostva ludziej, jakija ŭ Boha nie vierać. < … > Vielmi niebiaśpiečna, kali ludzi nie vierać u Boha, śmiarotna niebiaśpiečna. Hetak ža, jak siońnia niebiaśpiečna, kali ludzi nie vierać u raspaŭsiud infiekcyi i nie zaścierahajuć siabie ad hetaj infiekcyi.
Patryjarch zaklikaŭ nie hrebavać «tymi patrabavańniami i pradpisańniami, jakija siońnia pradjaŭlaje kožnamu z nas, da ŭsiaho rodu čałaviečaha, sučasnaja miedycyna». U tym liku jon rekamiendavaŭ vykonvać sanitarnyja normy i zaściarohi pry naviedvańni chramaŭ.
