BiełTA
Narodnaje antykryzisnaje ŭpraŭleńnie pad kiraŭnictvam člena Prezidyuma Kaardynacyjnaj rady Paŭła Łatuški ŭ najbližejšy čas płanuje apublikavać płan «pa delehitymizacyi «Usiebiełaruskaha narodnaha schoda» i pačać pracu pa dadańni delehataŭ schoda ŭ sankcyjnyja śpisy. Raniej kiraŭnik NAU Pavieł Łatuška źviarnuŭsia da delehataŭ Usiebiełaruskaha narodnaha schoda i raspavioŭ ab mahčymych nastupstvach udziełu ŭ im, piša Tut.by.
— Užo pačali źjaŭlacca śpisy delehataŭ, adnak realnych pradstaŭnikoŭ naroda, jak i čakałasia, u ich niama. «Šyrata» sacyjalnaj bazy hetaj schodki vidavočnaja i kaža ab niedaviery nielehitymnaha da ŭsich, akramia kišennaj namienkłatury. Kožny maryjanietačny delehat budzie aŭtamatyčna zaniesieny ŭ bazu adzinaj knihi rehistracyi złačynstvaŭ, a dziejańniam schoda, jak arhanizavanaj hrupy, budzie dadzienaja pravavaja acenka, — zajaviŭ Łatuška.
Jon taksama dadaŭ, što budzie damahacca sankcyj dla ŭsich udzielnikaŭ VI Usiebiełaruskaha narodnaha schoda.
U NAU rastłumačyli, što pakul pracedura pa dadańni delehataŭ u sankcyjnyja śpisy nie zapuščana, ale heta budzie zroblena ŭ najbližejšy čas.
— U najbližejšy čas NAU i «Sumlennyja ludzi» apublikujuć płan pa delehitymizacyi Usiebiełaruskaha narodnaha schoda i zryvu antykanstytucyjnych rašeńniaŭ, jakija płanujecca prymać na im, paśla čaho NAU pačnie pracu pa dadańni delehataŭ u sankcyjnyja śpisy, - raspaviali ŭ NAU.
Nahadajem, tydzień tamu startavaŭ abrańnie delehataŭ na Usiebiełaruski narodny schod, jaki projdzie 11-12 lutaha. I ŭžo stała viadoma, što ŭ stalicu abmiarkoŭvać na forumie «losavyznačalnyja rašeńni», pajeduć tolki adobranyja źvierchu ludzi: miascovyja deputaty, členy hramadskich arhanizacyj.
