Bieraściejcy Darji Palakovaj — 29 hadoŭ, jana pracuje na adnym z bujnych charčovych pradpryjemstvaŭ Bresta. U 2019 hodzie muž Palakovaj pamior, i jana zastałasia adna z dvuma maleńkimi dziećmi. Ranicaj 6 studzienia nad joj pačaŭsia sud za hvałt nad milicyjantam, paviedamlaje Bresckaja hazieta.
Pavodle viersii abvinavačvańnia, Darja Palakova z pomsty ŭžyła ŭ dačynieńni da supracoŭnika hvałt, pryčyniła jamu fizičny bol i paboi i parvała kurtku.
Pavodle viersii abvinavačvańnia, dniom 25 kastryčnika na vulicy Savieckaj u Breście Palakova, źjaŭlajučysia ŭdzielnicaj niesankcyjanavanaj akcyi pratestu, padčas zatrymańnia inšaha ŭdzielnika akcyi Alaksandra Sacharuka ździejśniła złačynstva, jakoje traplaje pad artykuł 364 KK «Hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ». «Z pomsty za vykanańnie milicyjantami słužbovych abaviazkaŭ» jana hučna kryčała i vykazvała niezadavolenaść ad zatrymańnia Sacharuka, užyła ŭ dačynieńni da milicyjanta Alaksieja Harunova hvałt, «pryčyniła jamu fizičny bol i paboi» i parvała formiennuju kurtku koštam 104 rubli 50 kapiejek — kali kazać dakładniej, u formiennaj vopratcy pa švie razyšoŭsia rukaŭ.
Na sudzie Darja Palakova raspaviała, što ŭ toj dzień išła ŭ hości. Na Savieckaj jana pačuła kryki ab dapamozie i ŭbačyła, što zatrymlivajuć Alaksandra Sacharuka, jakoha jana daŭno viedaje i vielmi pavažaje. I Darja, i Alaksandr Michajłavič źjaŭlajucca členami prafsajuza REP.
Jana kinułasia na dapamohu — pryznajecca, što «napeŭna, spracavaŭ instynkt», bo Sacharuk zvaŭ na dapamohu. Krychu paźniej jaje vyciahnuła z natoŭpu kiraŭnik abłasnoha adździaleńnia prafsajuza REP Zinaida Michniuk. Paśla hetaha Darja pajšła pa svaich spravach, a na skryžavańni Savieckaj i praśpiekta Mašerava była zatrymanaja za ŭdzieł u akcyi pratestu.
Na sudzie Darja skazała, što vinu svaju pryznaje častkova.
— Ja nie pryznaju, što zrabiła heta z pomsty, kurtka parvałasia, kali Zinaida mianie adviała. U toj momant, kali parvaŭsia rukaŭ, maich ruk na jaho rukavie nie było, — skazała Palakova.
— Ale vy razumieli, što svaimi dziejańniami mahli pryčynić supracoŭniku milicyi bol? — spytaŭ u jaje dziaržabvinavaŭca.
— Ja — chudzieńkaja dziaŭčyna, kala 50 kh vahi. A tam darosły mužčyna, u toŭstaj kurtcy, — adkazała abvinavačanaja i trochi adyšła ad trybuny, kab usie ŭdzielniki pracesu i jaho hledačy zmahli ŭbačyć, što jana minijaciurnaja.
Śviedkami na sudzie vystupili Alaksandr Sacharuk, Zinaida Michniuk i dva milicyjanty.
Sacharuk rastłumačyŭ, što padčas svajho zatrymańnia jon nie bačyŭ, chto, kaho i za što ciahnuŭ, ale padziakavaŭ usim žančynam, jakija sprabavali jaho «adbić», za mužnaść i advahu, a sud paprasiŭ pabłažliva pastavicca da Darji Palakovaj.
Zinaida Michniuk, jakaja, darečy, pieršapačatkova taksama była padazravanaj pa artykule 364 za incydent z padranym rukavom, a ciapier znachodzicca ŭ statusie śviedki, patłumačyła sudu, što ŭ toj dzień sustrełasia z Darjaj na Hohala: taja išła da siastry, a Michniuk — pa svaich spravach. Vyjšaŭšy na Savieckuju, jany pačuli kryki, chutka zrazumieli, što kahości zatrymlivajuć, Darja kryknuła: «Heta dziadźka Saša!» — i pabiehła da natoŭpu. Zinaida taksama padyšła da navały ludziej i vyciahnuła Darju.
«Ja skazała joj, što dziadźku Sašu my ŭsio roŭna ŭžo ničym nie dapamožam, a milicyjantaŭ čapać nielha», — skazała Michniuk.
U materyjałach spravy ŭtrymlivajecca iskavaja zajava prakurora Bresta Andreja Vaładźko, jaki pry pastanovie abvinavaŭčaha prysudu prosić spahnać z Palakovaj na karyść UUS Bresckaha abłvykankama košt padranaj kurtki — 104 rubli 50 kapiejek.
Sudździa Śviatasłaŭ Kalina pacikaviŭsia ŭ Darji Palakovaj, ci pryznaje jana heta patrabavańnie. Taja adkazała, što nie pryznaje, pakolki nie ličyć siabie vinavataj u tym, što kurtka parvałasia.
Paśla dopytu śviedak-milicyjantaŭ u sudzie byŭ abvieščany pierapynak da 15 studzienia. Darja Palakova na voli, jana — pad padpiskaj ab niavyjeździe.
