Biełaruś u studzieni — listapadzie 2020 hoda ekspartavała 7,38 młn ton naftapraduktaŭ, što na 23,3% mienš, čym za anałahičny pieryjad 2019 hoda, paviedamlaje «Interfaks» sa spasyłkaj na Biełstat.

U listapadzie ekspartavana 1,06 młn ton naftapraduktaŭ suprać 1,03 młn ton u kastryčniku i 0,8 młn ton u vieraśni.

Takim čynam, da kanca 2020 hoda ŭmacavałasia tendencyja stabilizacyi ekspartu naftapraduktaŭ, jakaja sfarmavałasia z druhoha paŭhodździa ŭ suviazi z adnaŭleńniem rehularnaha impartu naftavaj syraviny z RF. U kastryčniku — listapadzie ekspart adnaviŭsia na tradycyjnym dla apošnich hadoŭ uzroŭni — kala 1 młn ton u miesiac paśla rezkaha padzieńnia ŭ pačatku hoda.

U vartasnym vyražeńni ekspart naftapraduktaŭ pa vynikach 11 miesiacaŭ upaŭ na 50,3% — da $ 2,38 młrd. Siaredniaja cana składała $322,8 za 1 tonu, što na 35,2% nižej, čym u studzieni — listapadzie 2019 hoda.

Клас
Панылы сорам
Ха-ха
Ого
Сумна
Абуральна