TASS
Šamsutdzinaŭ u kastryčniku 2019 hoda zastreliŭ dvuch aficeraŭ i šeść sałdat, nahadvaje Bi-bi-si.
Šamsutdzinaŭ nie pryznaŭ pazovu na kampiensacyi siemjam zabitym, jon admoviŭsia ad udziełu ŭ sprečkach i apošniaha słova. Adnak vinu pryznaŭ i raskajaŭsia.
Ramil adkryŭ stralbu pa tavaryšach pa słužbie z tabielnaj ahniastrelnaj zbroi pry zdačy varty ŭ vajskovaj častcy pasiołka Horny ŭ Zabajkalskim krai. U vyniku zahinuli dva aficery i šeść sałdat, jašče dvoje vajskoŭcaŭ byli ciažka paranienyja.
Jak paviedamlałasia, Šamsutdzinaŭ moh ździejśnić złačynstva z-za niestatutnych adnosin. «Kommiersant» pisaŭ, što kalehi mahli pieraśledvać sałdata z-za jaho nacyjanalnaści, inšyja ŚMI pisali pra ździeki. Tak, u sakaviku 2020 hoda Čycinski harnizonny vajenny sud prysudziŭ sałdatu terminovaj słužby Rustamu Muchatavu pa spravie ab niestatutnych adnosinach u častcy, dzie słužyŭ Šamsutdzinaŭ, štraf u 30 tysiač rubloŭ i dva hady umoŭna. Muchataŭ pryznaŭsia ŭ ździekach z Šamsutdzinava i jašče siami sałdataŭ.
