Biełaruskim łaŭreatam premii za raman «Biełarusalim. Serca śviatła» staŭ Pavieł Sieviaryniec, jaki znachodzicca za kratami ź siomaha červienia 2020 hoda, paviedamlaje «Radyjo Svaboda».

Dahetul Pavieł užo atrymlivaŭ premii Biełaruskaha PEN-centru imia Alesia Adamoviča, imia Franciška Alachnoviča, «Za svabodu dumki» imia Vasila Bykava. Dźvie z bolš jak dziasiatka jahonych knih napisanyja ŭ źniavoleńni — «Listy ź lesu» i «Biełaruskaja hłybinia».

Premijalnuju statuetku Sieviarynca mieła atrymać jahonaja maci, ale jana nie zmahła pryjechać u suviazi z karantynnymi abmiežavańniami. Statuetku atrymała pradstaŭnica ruchu salidarnaści «Razam» Alena Tałstaja, jana pieradaść jaje ŭ Minsk.

Premija «Voin śviatła» zasnavanaja ŭ 2015 hodzie i ŭručajecca ŭ dzień narodzinaŭ Michasia Žyźnieŭskaha la pomnika, pastaŭlenaha ŭ Kijevie pobač ź miescam jahonaj hibieli. Inicyjataram stvareńnia premii staŭ ukrainski piśmieńnik Uładzimir Danilenka, jaki ciapier uznačalvaje Kijeŭskuju arhanizacyju Sajuza słavianskich piśmieńnikaŭ Ukrainy. Hetuju ideju padtrymaŭ i Sajuz biełaruskich piśmieńnikaŭ.

Клас
Панылы сорам
Ха-ха
Ого
Сумна
Абуральна