Da ekranizacyi kazki Hienadzia Davydźki «Zorki siomaha nieba» režysior Alena Turava prystupiła jašče ŭ 2017-m. Tak atrymaŭsia adziny ŭ svaim rodzie biełaruski poŭnamietražny miuzikł, malavanych hierojaŭ jakoha ahučyli ajčynnyja artysty, piša sb.by. Mnostva rolaŭ ahučyła sama Alena Turava.

Bard Anatol Dłuski ŭ vobrazie Lulečki, akcior Dźmitryj Puścilnik u rolach Strachu i Astrołaha i Tea, jaki praśpiavaŭ za kata Murmota. Kazačnym fiejam svoj hołas padaryła śpiavačka i paetka Volha Ryžykava.

Aŭtaru knihi Hienadziu Davydźku ideja pieranakiravać jaho tvorčuju fantaziju ŭ muzyčnaje rečyšča padałasia vielmi simpatyčnaj. Bolš za toje, na pieršym etapie pracy jon asabista braŭ udzieł u raspracoŭcy scenara.

Muzyku da budučaha multfilma prapanavali napisać čatyrom aŭtaram. Bolš za ŭsio stvaralnikam «Zorak…» spadabalisia miełodyi Leanida Šyryna. Aŭtaram słoŭ usich kampazicyj stała sama režysior Turava. 

Film składajecca z 5 častak, kožnaja pa 13 chvilin. Kali ŭsio składziecca ŭdała, to multyplikacyjny film možna budzie ŭbačać užo padčas viasnovych školnych kanikuł.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?