Jamu pahražaje da 10 hadoŭ kałonii, piša Radyjo Svaboda.

Pavodle abvinavačańnia, žychar Homiela dziejničaŭ: z matyvaŭ palityčnaj varožaści; z chulihanskich pamknieńniaŭ, z metaj hrubaha parušeńnia hramadskaha paradku; z metaj destabilizacyi stanovišča ŭ hramadstvie; dezarhanizacyi pracy pravaachoŭnych orhanaŭ; zapałochvańnia koła asob; dziejańni supravadžalisia pahrozaj prymianieńnia hvałtu; šlacham adkrytaha i demanstratyŭnaha vykliku hramadstvu; vykarystoŭvajučy situacyju ź niesankcyjanavanymi mitynhami.

Jaŭhien Ziałkoŭski vinu ŭ asabliva złosnym chulihanstvie nie pryznaŭ. «Instalacyi» ź bieł-čyrvona-biełym ściaham jon rabiŭ i raźmiaščaŭ u pustynnych miescach, nočču.

Pavodle śviedčańniaŭ u sudzie, 25 kastryčnika Jaŭhien sapraŭdy zrabiŭ «instalacyju» ź bieł-čyrvona-biełym ściaham i pietardaj.

«Ź pietardy ja vysypaŭ «vantroby», jana była pustaja. Ja jaje pakłaŭ u skrynku i prykapaŭ kala ściaha. Ja zrabiŭ heta z takoj metaj… Niekatoryja z maich siabroŭ paciarpieli ad supracoŭnikaŭ milicyi i AMAPa. Ja prosta chacieŭ adciahnuć uvahu milicyi ad čarhovych zatrymańniaŭ ludziej», — tłumačyŭ na sudzie Jaŭhien.

Viečaram 15 listapada jon taksama «chacieŭ zaniać čas supracoŭnikaŭ milicyi». Jaŭhien znoŭ pastaviŭ na inšaj pustcy bieł-čyrvona-bieły ściah, kala jaho źmiaściŭ skrynku, u jakoj byli dva padšypniki i «karcinka». Viadoma, što na «karcincy» była karykatura na AMAP.

Клас
0
Панылы сорам
0
Ха-ха
0
Ого
0
Сумна
0
Абуральна
0