Heta pietycyja stała samaj papularnaj za ŭsiu historyju sajta. Dahetul bolš za ŭsio podpisaŭ źbiraŭ list z patrabavańniem vypuścić Viktara Babaryku (bolš za 17 tysiač).

Płatforma spačatku nie spraŭlałasia z napłyvam achvotnych. Mahutnaść sierviera daviałosia pavialičyć u 16 razoŭ.

«Kali z telehram-kanałaŭ adnačasova prychodzić šmat ludziej, časam siervier padaje. Ja mierkavaŭ, što budzie vialikaja kolkaść naviedvańniaŭ, tamu pavialičyŭ mahutnaść siervieru spačatku z 4 da 16 pracesaraŭ, a paśla da 32. Na takich siervierach zvyčajna pracujuć nacyjanalnyja navinavyja partały. I navat jon na chvilinu ŭpaŭ. Ja musiŭ padniać siervier da 64 pracesaraŭ — tolki tady jon staŭ vytrymlivać», — raskazaŭ zasnavalnik petitions.by Uładzimir Kavałkin.

U pikavy čas na pietycyju adnačasova zachodziła bolš za 4500 čałaviek.

Jak vieryfikujucca podpisy? Płatforma paśla aŭtamatyčna prahaniaje ich pa śpiecyjalnych ałharytmach, kab vydalić niesapraŭdnyja — tyja, u jakich paznačany nieisnujučy adras ci imia. U raspracoŭščykaŭ jość vializnaja baza imion i biełaruskich adrasoŭ. Kali, naprykład, u hrafach budzie stajać vydumanaje słova, taki podpis adsiejecca. Praviarać jaho paśla buduć uručnuju. Ź vieryfikacyjaj zamiežnych adrasoŭ taksama budzie ciažej.

«My b chacieli spravicca za ŭikiend i da paniadziełka pasprabavać usio vieryfikavać», — adznačyŭ Uładzimir Kavałkin.

Pa zakonie ŭličvajucca hałasy hramadzian i rezidentaŭ Biełarusi. Statystyka naviedvańniaŭ pakazvaje, što 92% zachodaŭ na pietycyju — ź Biełarusi. Astatnija — z Rasii, Polščy, Irłandyi, Złučanych Štataŭ.

Tekst zvarotu i sabranyja podpisy padajucca ŭ orhany ŭ elektronnym vyhladzie. Hetaja pietycyja budzie nakiravana ŭ Ministerstva kultury, Hienieralnuju prakuraturu i Ministerstva ŭnutranych spraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?