«Padpisańnie pahadnieńnia znachodzicca pad pahrozaj zryvu z-za rasijskich kampanij, jakija sprabujuć uchilicca ad pakietnaha farmatu ŭhody. Prablema ŭ tym, što bieź sinchronnaha padpisańnia Pahadnieńnia i kantraktaŭ z apieratarami ŭsie damoŭlenaści ŭ hetaj śfiery banalna transfarmujucca ŭ adnabakovuju formu abaviazacielstvaŭ ź biełaruskaha boku», — skazaŭ jon.

Mierkavałasia, što ministry transpartu Vital Savieljeŭ i Alaksiej Aŭramienka padpišuć hetaje pahadnieńnie 15 lutaha.

Adnak u toj dzień u Mintransie Biełarusi skazali, što padrychtoŭka da padpisańnia zaciahnułasia i mierkavanaja sustreča ministraŭ adkładajecca. U pryvatnaści, zaciahnulisia «ŭnutrydziaržaŭnyja pracedury pa padrychtoŭcy da padpisańnia pahadnieńnia». Akramia taho, na toj momant nie byli hatovyja i kantrakty z rasijskimi apieratarami partovych terminałaŭ u Pieciarburhu i Uść-łuzie i z čyhunačnym apierataram. U Minsku adznačyli tady, što hetyja dakumienty pavinny być padpisany adnačasova ź mižviedamasnym pahadnieńniem.

Клас
0
Панылы сорам
0
Ха-ха
0
Ого
0
Сумна
0
Абуральна
0