Fota Pxhere.com
Adkryćcio zrabili supracoŭniki Dziaržaŭnaha navukovaha centra virusałohii i bijatechnałohii «Viektar» u Novasibirskaj vobłaści.
Papova patłumačyła, što virus vyjaŭleny ŭ siami rabotnikaŭ ptuškafabryki na poŭdni Rasii, dzie ŭ śniežni 2020 hoda siarod pahałoŭja ptušak zarehistravali ŭspyšku. Pa słovach kiraŭnicy Rasspažyŭnahladu, zachvorvańnie ŭ ludziej praciakała ŭ lohkaj formie, «ryzyki byli minimizavanyja, dalejšaha raźvićcia situacyja nie atrymała». Ludzi, jakija pieranieśli chvarobu, adčuvajuć siabie dobra.
Papova paviedamiła, što virus zdolny pieradavacca ad ptušak da čałavieka, jon užo pieraadoleŭ mižvidavy barjer. Ale na siońnia ad čałavieka da čałavieka hety varyjant virusa hrypu nie pieradajecca. Nakolki chutka dalejšyja mutacyi dazvolać pieraadoleć i hety barjer, pakul niezrazumieła.
Heta daje ŭsiamu śvietu čas padrychtavacca i raspracavać test-sistemy, pierš čym virus stanie bolš patahiennym.
Surjoznaja ŭspyška ptušynaha hrypu H5N2 była zafiksavana ŭ Rasii ŭ 2017 hodzie. Tady jana pačałasia na ptuškafabrycy «Kastramskaja». Pa źviestkach Mižnarodnaj arhanizacyi zdaroŭja žyvioł (OIE), krychu bolš za dziesiać dzion tam zahinuła kala 45 tysiač ptušak. U prafiłaktyčnych mierach było zabita bolš za 600 tysiač asobin.
