Daśledčyki praanalizavali testy na antycieły ŭ pierachvarełych na COVID-19, zroblenyja ŭ krasaviku i listapadzie minułaha hoda na harnałyžnym kurorcie Išhl. Paśla pieršaha daśledavańnia amal u 90% udzielnikaŭ, u jakich u krasaviku byli antycieły da karanavirusa, jany zachavalisia i praz vosiem miesiacaŭ.
U «adnym z najbujniejšych i samych praciahłych daśledavańniaŭ imunitetu da COVID-19» uziali ŭdzieł bolš za 900 čałaviek na kurorcie Išhl, 801 ź ich ad 18 da 89 hadoŭ udzielničali ŭ abodvuch testach.
«Niahledziačy na nievialikaje źnižeńnie kancentracyi antyciełaŭ u paraŭnańni ź pieršym daśledavańniem, možna kazać ab adnosna stabilnym imunitecie. Amal u 90% tych, chto prajšoŭ sierapazityŭny test u krasaviku 2020 hoda, antycieły taksama mahli być vyjaŭlenyja ŭ listapadzie», — raspaviała virusołah i dyrektar Instytuta Darateja fon Łajer.