Kiraŭnik Minzdaroŭja Ukrainy Maksim Ściapanaŭ asabista prakantralavaŭ adhruzku pieršaj partyi brytanska-šviedskaj vakcyny AstraZeneca z zavoda-vytvorcy ŭ indyjskim horadzie Punie. Ciapier vakcyna transpartujecca ŭ Mumbai, piša RBK-Ukraina.
Pavodle jaho słoŭ, padčas transparciroŭki buduć vykananyja ŭsie tempieraturnyja patrabavańni, jakija nieabchodnyja dla zachavańnia jakaści vakcyn.
«Dalej — doŭhi šlach hruzavym samalotam z prypynkam u Stambule i ŭžo dniami vakcyna prybudzie va Ukrainu», — adznačyŭ jon.
Ściapanaŭ paviedamiŭ, što pieršyja 500 tysiač doz vakcyny buduć raźmierkavany pamiž rehijonami zhodna z płanam Ministerstva achovy zdaroŭja.
Ukraina stała adnoj ź pieršych krain u śviecie, jakija atrymajuć vakcynu ad COVID, vyrablenuju ŭ Indyi.
