Fota Depositphotos.com

Fota Depositphotos.com

U niekatorych ludziej nazirajucca postkavidnyja ŭskładnieńni, jakija robiać fizičnyja praktykavańni bolš ryzykoŭnymi. A mnohija pacyjenty z kavidam majuć jaho simptomy na praciahu niekalkich tydniaŭ abo navat miesiacaŭ, što ŭskładniaje navat nievialikuju fizičnuju aktyŭnaść. Tamu pierš za ŭsio navukoŭcy rajać pastupova pavialičvać nahruzku pad nazirańniem doktara, piša The Wall Street Journal.

Pa mierkavańni Devida Sałmana, doktara i navukovaha supracoŭnika Impierskaha kaledža Łondana, ludzi mohuć adčuvać siabie dobra, ale jość vierahodnaść, što fizičnaja nahruzka pryviadzie da recydyvu. Adnak fizičnaja aktyŭnaść, biezumoŭna, nieabchodnaja, tamu varta dasiahnuć pravilnaha bałansu.

Devid Sałman źjaŭlajecca adnym z aŭtaraŭ artykuła, apublikavanaha ŭ Brytanskim miedycynskim časopisie (The BMJ), jaki źmiaščaje rekamiendacyi pa adnaŭleńni fizičnaj aktyŭnaści paśla kavidu. Sałman nie rekamienduje viartacca da praktykavańniaŭ da taho času, pakul jak minimum na praciahu siami dzion nie budzie zaŭvažna simptomaŭ kavidu. Tolki tady možna viartacca da minimalnych nahruzak. Pry hetym varta ŭličvać papiaredni ŭzrovień aktyŭnaści i nie pierahružać arhanizm.

Ekśpiert padzialaje stupieni fizičnaj nahruzki na 4 fazy. Heta indyvidualnaja acenka fizičnaha napružańnia pa škale ad 6 da 20 ad adsutnaści napružańnia ŭvohule (6) da maksimalnaj stomlenaści (20). Varta davać arhanizmu nahruzku ŭ miežach adnoj fazy na praciahu nie mienš za siem dzion i tolki paśla pierachodzić da nastupnaj fazy.

Pieršaja faza ŭklučaje ŭ siabie nizkaintensiŭnuju aktyŭnaść, naprykład, praktykavańni na hibkaść abo na dychalnuju sistemu. Nastupnaja faza moža ŭklučać lohkuju johu abo prahułki. Možna pačynać z 10-15 chvilin štodnia i pavialičvać praciahłaść.

Paśla hetych dvuch etapaŭ možna pierajści da bolš intensiŭnych nahruzak. Naprykład, na praciahu 5 chvilin zajmacca chutkaj chadźboj, bieham, płavańniem ci jazdoj na rovary, a paśla dać arhanizmu 5-chvilinny adpačynak. Vy nie pavinny adčuvać, što praktykavańni dla vas ciažkija. Ich varta vykonvać u tym tempie, kali vy ŭsio jašče možacie padtrymlivać razmovu. Pastupova možna dadavać usio bolš intervałaŭ.

Čaćviortaja faza ŭklučaje ŭ siabie jašče bolš składanyja praktykavańni, ale z umieranaj intensiŭnaściu. Naprykład, bolš chutki bieh abo praktykavańni z vahoj cieła. Paśla zaviaršeńnia hetaj fazy možna viartacca da svajho zvykłaha ŭzroŭniu aktyŭnaści, jaki byŭ u vas da kavidu.

Taki pastupovy pierachod moža padacca vielmi marudnym, asabliva tym ludziam, jakija da kavidu byli vielmi aktyŭnymi. Adnak daktary pierakonvajuć, što mienavita pastupovaja nahruzka pojdzie na karyść arhanizmu paśla chvaroby.

Клас
0
Панылы сорам
0
Ха-ха
0
Ого
0
Сумна
0
Абуральна
0