pixabay.com
Siejšelskija vyspy adkryjuć svaje miežy dla turystaŭ z usiaho śvietu, u tym liku ź Biełarusi, 25 sakavika. Pra heta paviedamlaje RBK sa spasyłkaj na ministra zamiežnych spraŭ i turyzmu Respubliki Silviestra Radehonde.
Zamiežnikam dazvolać ujezd pry najaŭnaści admoŭnaha PŁR-testu, zroblenaha nie paźniej za 72 hadziny da prybyćcia. Dla ich nie budzie dziejničać karancin, turystam dazvolać adrazu zasialacca ŭ hateli.
Vyklučeńniem stanie tolki adna kraina — adnosna blizkalehłaja Paŭdniovaja Afryka, dzie byŭ znojdzieny novy, bolš zarazny štam karanavirusa.
Radehonde adznačyŭ, što hości krainy pavinny buduć vykonvać sanitarnyja praviły — masačny režym, sacyjalnaje dystancyjavańnie, dezinfiekcyju ruk. Turystam dazvolać zasialacca tolki ŭ hateli, jakija majuć siertyfikat dla pryjomu klijentury ŭ pieryjad pandemii. Zaraz z 700 licenzavanych haścinic takuju siertyfikacyju atrymali 535.
