BiełTA
Pra heta raspavioŭ žurnalistam staršynia KDB Ivan Cierciel paśla dakładu Alaksandru Łukašenku, paviedamlaje BiełTA.
«Padčas dakładu kiraŭniku dziaržavy paznačanyja asnoŭnyja prablemy, źviazanyja z harantavańniem nacyjanalnaj biaśpieki, i tyja pahrozy, jakija farmujucca ŭ śfiery zamiežnapalityčnaj dziejnaści, unutranaj situacyi. U cełym my kanstatujem, što abstanoŭka ŭ krainie stabilnaja», — zajaviŭ staršynia KDB.
Razam z tym u KDB źviartajuć uvahu na niekalki momantaŭ.
«Pieršaje — na biesprecedentny cisk na našu dziaržavu z boku zamiežnych partnioraŭ, źviazany z sankcyjnaj palitykaj i niekatorymi inšymi rečami. Druhoje — heta sproby, i dakładziena ab kankretnych asobach, płanach destabilizacyi situacyi ŭ najbližejšy čas. My havorym pra pieryjad 25—27 sakavika», — raspavioŭ jon.
Pa słovach Ivana Cierciela, KDB taksama adznačaje rost terarystyčnych pahroz. «Na žal, jany adbyvajucca z terytoryi našych susiedziaŭ, jak praviła, sumiežnych dziaržaŭ», — kanstatavaŭ kiraŭnik viedamstva.
«U cełym kamitet pracuje. Jość kankretnaje daručeńnie kiraŭnika dziaržavy pa minimizacyi tych pahroz. Budziem pracavać, my nakiravanyja na efiektyŭnaje rašeńnie zadač. Abstanoŭka ŭ krainie, pavodle našych acenak, budzie stabilnaj, i pravaachoŭnyja orhany majuć dastatkova sił i srodkaŭ dla reahavańnia na roznyja pahrozy», — zapeŭniŭ Ivan Cierciel.
