Bolš za 70 vajennasłužačych biełaruskaj armii prybyli ŭ Nižaharodskuju vobłaść RF dla ŭdziełu ŭ sumiesnych vučeńniach z rasijskimi vajskoŭcami na palihonie Mulina, piša TASS.
Padčas sumiesnych vučeńniaŭ vajskoŭcy adpracujuć dziejańni pa nastupleńni i abaronie, baraćbu ź bieśpiłotnikami, a taksama ŭzajemadziejańnie motastrałkovych padraździaleńniaŭ i snajpieraŭ. Na vučeńniach taksama buduć zadziejničanyja bronietransparciory BTR-82A, bajavyja mašyny piachoty BMP-2 i tanki T-72B3.
Raniej u pres-słužbie Minabarony Biełarusi paviedamlali, što ŭ vučeńniach u Rasii voźmie ŭdzieł zvodnaja rota motastrałkoŭ i tankistaŭ.
Vučeńni pad Nižnim Noŭharadam, pavodle źviestak biełaruskaha abaronnaha viedamstva, źjaŭlajucca čarhovym etapam padrychtoŭki sumiesnych stratehičnych vučeńniaŭ Uzbrojenych Sił Biełarusi i RF «Zachad-2021», jakija projduć u vieraśni.
