U vieraśni Mikita Mikada raspavioŭ, što PandaDoc adkryvaje ofis va Ukrainie. Na toj momant tudy pierajechała 60 supracoŭnikaŭ kampanii. Na sajcie PandaDoc bolšaść techničnych vakansij adkryty ŭ kijeŭskim ofisie. U Minsku zastałasia tolki adna vakansija. Stvaralniki kampanii Siarhiej Barysiuk i Mikita Mikada letam inicyjavali stvareńnie pryvatnaj inicyjatyvy pa zbory hrošaj dla siłavikoŭ, jakija vyrašyli źmianić prafiesiju.

***

2 vieraśnia ŭ minskim ofisie PandaDoc prajšli pieratrusy. 7 z 20 supracoŭnikaŭ byli zatrymanyja dla dopytu. Na praciahu dvuch dzion supracoŭniki DFR apytvali bolš za 100 rabotnikaŭ kampanii.

4 vieraśnia stała viadoma ab zaviadzieńni kryminalnaj spravy pa častcy 4 artykuła 210 KK RB u dačynieńni da čatyroch supracoŭnikaŭ kampanii:

— dyrektara Dźmitryja Rabceviča;

— mieniedžara pa pradukcie Viktara Kuŭšynava;

— buchhałtara Julii Šardyka;

— HR Uładzisłava Michałapa.

Pa viersii śledstva, jany jak hrupa asob, vykarystoŭvajučy słužbovaje stanovišča, zavałodali hrašovymi srodkami pamieram kala 107 tysiač rubloŭ ź biudžetu.

11 vieraśnia supracoŭnikam kampanii było vystaŭlena abvinavačvańnie, ale ŭžo pa inšym artykule: nie kradziež ź biudžetu, a machlarstva — častka 4 artykuła 209, ad troch da dziesiaci hadoŭ.

Kryminalny pieraśled Mikita Mikada i Siarhiej Barysiuk źviazvajuć z prajektam dapamohi siłavikam. 15 vieraśnia Mikita abviaściŭ, što prypyniŭ prajekt dapamohi. Inicyjatyvu padchapiŭ CEO DeepDee Jarasłaŭ Lichačeŭski.

23 vieraśnia stała viadoma, što kampanija PandaDoc damahłasia źniaćcia aryštu sa svajho rachunku. Dla hetaha kampanija pieraličyła na depazit Śledčaha kamiteta 107 tysiač rubloŭ u ekvivalencie.

11 kastryčnika dyrektara PandaDoc Dźmitryja Rabceviča vypuścili ź SIZA KDB pad chatni aryšt. 13 kastryčnika źmienienaja miera strymańnia jašče dvum fihurantam spravy — hałoŭny buchhałtar kampanii Julija Šardyka i HR Uładzisłaŭ Michałap viarnulisia dadomu.

Pad vartaj zastajecca mieniedžar Viktar Kuŭšynaŭ.

Клас
Панылы сорам
Ха-ха
Ого
Сумна
Абуральна