Heta praduhledžana pastanovaj Minzdaroŭja ad 22 lutaha 2021 hoda.
Tak, u pieryjad epidemičnaha ŭzdymu zachvaralnaści pry nieadkładnym pryjarytecie vykliku čas čakańnia bryhady chutkaj miedycynskaj dapamohi nie pavinien pieravyšać 195 chvilin u horadzie i 210 chvilin u inšych nasielenych punktach (z momantu rehistracyi vykliku da prybyćcia bryhady pa adrasie).
Vyklučeńnie składajuć paviedamleńni, što pastupili z apieratyŭna-dziažurnaj słužby orhanaŭ unutranych spraŭ.
Jak vynikaje ź Instrukcyi ab paradku arhanizacyi dziejnaści słužby chutkaj miedycynskaj dapamohi, u režymie paŭsiadzionnaj dziejnaści pry nieadkładnym vykliku bryhada CHMD pavinna pryjechać nie paźniej, čym praz 75 chvilin u horadzie i 90 chvilin u inšych nasielenych punktach. U vypadku, kali razmova idzie pra transparciroŭku pacyjentaŭ abo kanstatacyju fakta śmierci, hety čas nie pierasiahaje 135 chvilin u horadzie i 150 chvilin u inšych nasielenych punktach.
Pry pastupleńni paviedamleńnia z apieratyŭna-dziažurnaj słužby orhanaŭ unutranych spraŭ dla kanstatacyi fakta śmierci — čas čakańnia bryhady CHMD nie bolš jak 75 chvilin u horadzie i 90 chvilin u inšych nasielenych punktach.
Pry ekstrannym vykliku bryhada CHMD pryjazdžaje na praciahu 20 chvilin u horadzie i 35 chvilin u inšych nasielenych punktach.
