U siužecie prahučała, što śledčyja sumiesna z HUBAZ atrymali dokazy datyčnaści Matolki da «cełaha šerahu złačynstvaŭ»: biesparadki, arhanizacyja i padrychtoŭka dziejańniaŭ, jakija hruba parušajuć hramadski paradak. Akramia taho, błohiera abvinavačvajuć u tym, što jaho telehram-kanał spryjaŭ raspalvańniu sacyjalnaj varožaści. Jamu staviać u vinu stvareńnie ekstremisckaha farmavańnia — «abjadnańnie ŭ hrupy tak zvanych dvarovych čataŭ».
— Śledčymi ŭ dačynieńni da Antona Matolki ŭ najbližejšy čas budzie vyniesiena pastanova ab pryciahnieńni jaho ŭ jakaści abvinavačanaha pa ŭsich vyšejzhadanych złačynstvach, paśla čaho jon budzie abvieščany ŭ miždziaržaŭny vyšuk. Akramia taho, śledčymi pravodzicca rabota pa pryznańni nazvanaha internet-resursu na terytoryi našaj krainy ekstremisckim, — zajaviŭ Lubaskin.
