Žychar pryharada Homiela 45-hadovy Valancin pracavaŭ kiroŭcam dalokich pieravozak u litoŭskim filijale dackaj kampanii KAJ MADSEN. 2 sakavika, znachodziačysia ŭ rejsie, jon źnik.
Pa słovach naparnika, u aŭtorak, 2 sakavika, kala 11 hadzin Valancin syšoŭ u nieviadomym kirunku z bazy ŭ niamieckim horadzie Łandśbierh. Siudy biełaruskija kiroŭcy dastavili tavar z Danii. Jaho telefon zastaŭsia ŭ mašynie. Pra majučuju adbycca pajezdku ŭ Łandśbierh hamialčuk paviedamlaŭ rodnym dniom raniej.
Firma KAJ MADSEN aŭtamatyčna zvolniła biełaruskaha kiroŭcu paśla pakidańnia im mašyny. Jak paviedamili svajaki redakcyi, kampanija nie chacieła iści na kantakt i pradastaŭlać źviestki ab pieramiaščeńni fury pavodle GPS. Taksama, pa ich słovach, naparnik nie adrazu paviedamiŭ ab źniknieńni Valancina.
Nieŭzabavie paśla taho, jak była raźmieščana abjava ab vyšuku, stała viadoma — Valancin znojdzieny ŭ lesie miortvym, jon visieŭ u piatli.
Rasśledavańniem pryčyn śmierci biełaruskaha kiroŭcy zajmajecca niamieckaja palicyja. Źviazacca z dackaj palicyjaj pakul nie ŭdałosia — z pryčyny adsutnaści ambasady Biełarusi ŭ Danii. Siamja zahinułaha padtrymlivaje suviaź z konsulstvam Biełarusi ŭ Niamieččynie. Pry hetym isnujuć surjoznyja prablemy z transparciroŭkaj cieła zahinułaha na radzimu. Jak paviedamlajuć svajaki, košt pieravozki cieła moža kaštavać kala troch tysiač jeŭra. Pa ich słovach, kampanija-pieravozčyk na siońnia sadziejničańnia nie akazvaje. Pakul nie jasna taksama, ci pakryvajucca hetyja vydatki za košt strachoŭki. U advarotnym vypadku płacić za transparciroŭku pryjdziecca svajakam. Akramia hetaha, dla pieravozki cieła niabožčyka patrabujecca mnostva daviedak i dazvołaŭ.
